محمد احمد اسلم

سلام حضرت سیدنا امام حسین علیہ السلام کے اُن مبارک ہونٹوں پر جو شدت پیاس سے سوکھے ہوۓ تھے

لوگ کہتے ہیں عشق کی انتہاء نہیں کوئی تو پھر کربلا کیا ہے عشق تو آج بھی کوفہ اور کربلا کی اُن ہی گلیوں میں بھٹک رہا ہے جہاں سے رسول اللہ صلی اللہ علیہ وآلہ واصحابہ وسلم کے شہزادوں کے مبارک سر نیزوں پر بلند کر کے گزارے گئے تھے کچھ راہوں پر راہی کے قدموں کے نشان بہت پہلے سے ثبت ہوتے ہیں مگر راہی وہاں سے بہت بعد میں گزرتا ہے کربلا کی قربانی کی یہ داستانِ عشق بھی رسول اللہ صلی اللہ علیہ وآلہ واصحابہ وسلم کی حیات مبارک میں لوح محفوظ پر تحریر کردی گئی تھی بس حضرت سیدنا امام علی مقام سیدنا امام حسین علیہ السلام کے مقدس قدم وہاں بعد میں آئے تھے بابو جی خاموش ہوئے اور داہیں ہاتھ کی پشت سے اپنی آنکھوں میں آئی نمی صاف کرنے لگے پھر وہ بول پڑا مگر بابو جی کیوں کس لیے وہ تو رسول اللہ صلی اللہ علیہ وآلہ واصحابہ وسلم حضرت سیدہ فاطمہ الزہرا سلام اللہ علیہا حضرت سیدنا مولا علی المرتضی کرم اللہ وجہہ الکریم کی اولاد پاک تھی جو مشکل کُشاہ تھے ہیں اور رہیں گے پھر کیوں گردن کٹا دی کیوں پیاس کے وقت پانی کا سوال نہ کیا کہ اُن کی تو ایک ٹھوکر پر سمندر کے سمندر اُبل آنے تھے وہ اجمیر شریف کے والی حضرت سیدنا معین الدین چشتی رحمتہ اللہ علیہ کربلا کے کتنے سالوں بعد ہندستان میں آئے وہ بھی تو اہل بیت علیہم السلام کے سادات گھرانے میں سے تھے ایک ولی کامل تھے انھوں نے تو ایک کوزے میں انا ساگر کے تالاب کو بند کر ڈالا پھر وہ پاک ہنستی حضرت سیدنا امام حسین علیہ السلام وہ جن کی پرورش ہی رسول اللہ صلی اللہ علیہ وآلہ واصحابہ وسلم کی گود میں ہوئی جن کے لیے یہ پوری کائنات کا میلہ سجایا گیا وہ کیوں سب سہتے رہے دوسری جانب نم آنکھوں میں چمک اُبھری تو بہت آرام سے بابو جی بولے میرے پُتر کیوں کا تو سوال ہی نہیں پیدا ہوتا وہ جو وہ تھے نہ کائنات کی پاک ترین ہستیاں اُن کو اس کیوں کے لفظ سے کوئی آشنائی نہ تھی وہ مقامِ رضا پر تھے راضی با رضا تھے بھلا یزید بد بخت کی کیا اوقات تھی کہ وہ انھیں پیاسا رکھتا جو سمندروں کے تاجدار ہیں وہ تو بس محبوب کے حکم پر لبیک کہتے ہوئے سب لُٹاتے جا رہے تھے رسول اللہ صلی اللہ علیہ وآلہ واصحابہ وسلم  کی آل پاک کا تو بچہ بچہ نور کا تھا نور کا ہے نور کا رہنے والا ہے اور کیا پوچھا کہ کیوں سر کٹایا تو جان جی عشق کا دستور یہی لکھ دیا گیا تھا کہ اس قبیلے کا سردار ہی وہی بنے کا جو محبوب کی رضا پر سر وارے گا اور دیکھ اپنا سر وار دیا حضرت سیدہ فاطمہ الزہرا سلام اللہ علیہا حضرت سیدنا مولا علی المرتضی کرم اللہ وجہہ الکریم کے لال نے  مُرشد کہتے ہیں کہ جن لوگوں کو بڑے کاموں کے لیے رکھا جاتا ہے تو وہ اکثر مُشکلات سے گزرتے ہیں مشکل کُشا کو مشکلات سے ہی گزارا جاتا ہے مشکل کشا کا مطلب یہی ہے کہ جو مشکل میں گلہ نہ کرے  سلام حضرت سیدہ فاطمہ الزہرا سلام اللہ علیہا حضرت سیدنا مولا علی المرتضی کرم اللہ وجہہ الکریم کے لال حضرت سیدنا امام حسین علیہ السلام پر تمام اہل بیت اطہار علیہم السلام پر   

میرا ضمیر زندہ ہے تو فقط حضرت سیدنا امام حسین علیہ السلام کی وجہ سے حضرت سیدنا امام حسین علیہ السلام کل بھی زندہ تھے آج بھی زندہ ہیں اور ہمیشہ زندہ رہیں گے